بلايستيشين 5

في الفتره الاخيره اتسالنا من مجموعه كبيره من الجميرز عن سعر بلايستيشن 5 و ايه هيا اهم مميزاته و ليه ممكن اشتري بلايستشن 5 عن التجميعة الجيمينج و هل هيساعدني في الاستريم و العاب الشوتينج اللي بتحتاج فريمات عاليه و فنفس الوقت اقدر استريم او العاب الاستوري اللي بتحتاج جرافيك عالي عشان توضحلي كل تفصيله في اللعبة, عشان كده قرر تيم هانكرز اللي ديما بيتعبر عملائه هم جزء من عائلة هانكرز اننا نتكلم في شويه نقاط توضحلكم الصوره كامله و اختلاف الفرق العالي في سعر بلايستيشن 5 في مصر 

1- الأصدارالرقمي و الأصدار العادي

اولا خلينا نوضح ان الفرق بينهم طفيف و النسختين بيتكونوا من وحدة معالجة AMD Zen2 بيتكون من 8 انوية اما بالنسبة لمعالجة الرسومات فبيكون من نوعAMD RDNA2 و وحدة تخزين 825 جيجابايت, مكونات الجهاز مع التوازن في البرمجة او السوفتوير هتخليك تستمتع بي اداء ممتاز و سرعة عالية جدا و تشغيل الاعاب علي جودة 8K.

شركة سوني كعادتها نزلت نسختين من بلايستيشن 5 الفرق ما بين النسختين ان العادي بيجي معاه مشغل سي دي او اسطوانة بيدعم تشغيل اسطوانات بلايستيشين 5 او 4  و لو محتاج تشغل افلام Blu-ray مش هيقول لا و هيشغله كمان بجوده  4kو اللي بتتميز عن النسخة الدجيتال علي عكس النسخة الدجيتال بتدعم تشغيل الالعاب فقط من تحميلها علي متجر بلايستيشين و ده بيكون متاح برضو في النسخة العادية.

تقريبا لحد هنا و الفرق ما بين النسخة العادية و الرقمية انتهت لان كل المميزات اللي هنتكلم عليها بعد كده هيا هيا في النسختين.

الخلاصة هنا لو عندك العاب بلايستيشين 4  مش مستعد تضحي بعدد كبير من باقة النت فالنسخة العادية هتكون افضلك من النسخه الدجيتال, اما لو باقة النت معاك فالتمام فاكيد النسخة الرقميه هتبقي افضلك في الاختيار و ده بسبب التكلفة اللي هتكون اقل من النسخه العاديه و كمان في الشكل النحيف اللي بيكون متفوق فيه عن النسخه العاديه.

2- تتبع الاشعة

ايه هيا تتبع الاشعة؟! و ايه تاثيرها علي الالعاب في بلايستيشين 5؟!

خاصيه تتبع الاشعة او المعروف بالراي تراسينج تعالا اقلك الخلاصة كده باختصار شديد, الخاصيه دي بتدعم دقه الصور اللي بتخليك تشوف كل تفصيلة في اللعبة و ده حرفيا مش تعبير مجازي لان الخاصيه تتبع الشعاع بتبقي موجوده في GPU و دي اللي بتوضحلك انعكسات الضوء او الظلال بحيث انك تنغمر اكتر في اللعبة و تحس اكنك جوا اللعبة مش بتتحكم في الكراكتر, مشكله الخاصية دي انها بتقلل عدد الفريمات بس خد التقيله بقي ان الخاصية دي بتركز في شغلها مع العاب القصص او الاستوري اللي بتحتاج تنبهر بالجرافيك اللي جواهم, اما لو حبينا نتكلم علي العاب الشوتينج او العاب اللي بتحتاج عدد فريمات عاليه زي الاونلاين اللي بتبقي داخل فيها تحديات مع صحابك, الخاصيه دي بتقل او مبتشتغلش بكل ايمكانيتها عشان ميحصلش دروب فريم او لاج في اللعبة.

بص خليني ابقي صريح معاك شويتين و احب اعرفك معلومة مش اي حد هيقولهالك و هيا ان الخاصيه دي معلنه من شركه سوني لاكن الحقيقه ان السوفتوير او نظام التشغيل من شركه سوني بتحاكي الخاصيه دي لاكن هيا فعليا مش موجوده في بلايستيشين 5

3- محور الألعاب

المعروف باسم جيم هب هوا سوفتوير خاص بي سوني شغله الاساسي انه بيرفع مستوي اللعبة طيب الكلام ده معناه ايه؟! بمعني ان لو عندك العاب بلايسيتيشن 4 و عايز تشغلها علي جهازك بلايستيشين 5 الجديد كل اللي عليك ان هتحط اللعبة في الجهاز و تدخل علي جيم هب او محور الالعاب و تبتدي تعمل رفع مستوي من صور و جرافيك و غيره عشان تبقي جاهزه للعب و تشتغل بأعلي جوده, هل محور الالعاب لي مميزات تاني؟! الاجابة هنا اه و ببساطه شديده جدا هوا المساعد بتاعك في الألعاب يعني مثلا دخلت لعبه زي god of war و مش عارف ايه اللي مطلوب منك في مرحلة من المراحل هوا بيوضحلك تعمل ايه بالظبط و بيديك التعليمات اللي تخليك تتجاوز المرحله دي و كمان بيورك نتائج صحابك في الالعاب عشان يزود حماسك اكتر للعبه,

4- مشاركة الشاشة

خليني اقلك علي المفجأة اللي شيلهالك من بدري و احب اعرفك لو انت ستريمر و بتحب تشارك جمهورك كل لحظه في اللعبة او من هواه الالعاب الاونلاين مع صحابك احب اقلك ان سوني سهلتلك كل احتجاتك او بتلعب مع صحابك الحيمرز و لسه مبتدئين و عايزهم يتعلمو منك, بلايستيشين 5 سهل عليك الشرح اللي ممكن تقوله و تخليهم يشاركوك في اللعبة من منظورك كل ده اونلاين عادي بضغطت زر علي علامة البلايستيشين من خلال يد التحكم هتصغط علي مشاركه الشاشة يقدرو يشاركوك كل لحظه بتلعبها و هما في الجيم من غير ميخرج من اللعبة كمان تقدر تتكلم معاهم كل ده بضعظ زر و بدون اي مجهود اول متكون حابب تركز في اللعبة اكتر هتطغط علي زر كتم الصوت ولو حابب ترجعه هتدوس علي نفس الزرار.

5- جوده 4K

هتقدر دلوقتي تستمتع بجوده ال 4K في جميع الالعاب رؤية وضوح عاليه جدا في تجربه فريده من نوعها بكل الالعاب اللي بتحبها و تتفرج علي كل الافلام و المسلسلات علي اكتر من منصه موجوده علي بلايستيشين 5 زي نيتفليكس و ديزني بلس و ابل TV و يوتيوب و هولو و غيرها كتير او تستمتع بماتش كوره و انت بتسمع اغاني علي Spotify. سوني انتجت جهاز مش مجرد اداة للعب او الاستريم بالعكس هوا جهاز بيلبي كل احتيجاتك الترفيهيه كاملة.

6- يد التحكم

احب اقلك ان يد التحكم ليها قصة و حدودتة لوحدها من كتر المميزات و التجارب الغير مسبقة من ايادي التحكم من الاجيال السابقه لاكن احب ابشرك لو عندك يد تحكم بلايستشيشن 4 مش هتقول لا و ممكن توصلها بجهازك الجديد و تبدأ تلعب بس للاسف هيفوتك تجربه يد التحكم الخاصة ببلايستيشين 5 رهيبه جدا و عشان كده هنعمل مقال قريب عن يد التحكم و اللي بتوضح فيه كل المميزات و الاحساس اللي هيوصلك من كل لعبة بشكل مختلف و تاثيرها علي يد التحكم و هوا في ايدك

7- سعر بلايستيشن 5 و ضمان الوكيل

اهم نقطة ممكن نتكلم عليها و هيا الضمان لان ناس كتير مش قادره تستوعب ليه في اختلاف كبير في الاسعار, اللي حصل ان في ناس بدأت انها تهرب البلايستيشين من دول الخليج زي الامارات و السعوديه و غيرها عشان تبعد عن نقطه الجمارك و الضرايب و غيرها من القصص الكتير, طيب ليه تشتري من مكان موثوق منه; خليني اوضحلك نقطة مهمة كده و هيا ان فرق السعر ده بيبقي الضمان يعني ان سعر بلايستيشن 5 اللي هتجيبه من بره بسعر قليل مش هيكون شامل غير ضمان المحل طيب لو البلايستيشين فيه عيب صناعه احب اقلك ان المحل هيخلي مسؤوليته و يقولك انه سوء استخدام و بكده فلوسك دفعتها في الارض, مين هوا الوكيل المعتمد لشركة سوني في مصر والضمان كام سنه؟! و هوا فرق السعر بين المتهرب و المعتمد من الوكيل كام؟!

الوكيل المعتمد في مصر هيا شركه IBS و ضمانه بيكون سنتين, اما لو في مشكلة عيب صناعه في الجهاز بيتم استبداله فورا و في بعض سوء الاستخدام بتبقي شامله الضمان

فرق سعر حوالي 2000 جنيه مصري فمثلا لو قسمنا ال2000 جنيه علي سنتين فانت بالتالي بتدفع حوالي 3 جنيه في اليوم مقابل انك اشتريت الجهاز مضمون و متاكد ان الوكيل المعتمد في ضهرك لو حصل لجهازك اي مشكلة او عيب صناعة.

الخلاصه:-

لو حبيت تلعب بنفس الايمكانيات اللي شرحناها من شوية و تشغلها علي تجميعة فأحب اقلك انها هتبقي اغلي حبتين تلاته من سعر بلايستيشن 5, شايفك يالي بتقول انا هجيب التجميعة العب و اشتغل عليها في نفس الوقت و ده تقريبا الحل اللي بيلجأله معظم الناس بس احب اوضحلك نقطة مهمة لو هتجيبها عشان تشتغل عليها سواء  3D Rendering او فوتوشوب فانت كده هتحتاج ايمكانيات خاصه بالكونتنت كريتور لشغلك و هتقدر تلعب عليها بس للاسف مش هتاخد نفس اداء التجميعه الجيمينج او اداء وتجربه البلايستشين 5, و اهم حاجه انك تشتري من مكان معتمد ضمانه IBS

عشان تعرف سعر بلايستيشن 5 من هانكرز زور اللينك ده Hankerz Console
ممكن تزود معلوماتك عن البلايستيشين 5 من الموقع الرسمي الخاص بي سوني عن طريق اللينك ده Sony
دلوقتي ممكن تزور الوكيل لشركة سوني في مصر عن طريق اللينك ده IBS
سع