Monitors

فكرنا ازاي نفيد عملائنا و عيلة هانكرز اللي دايمآ بيكونوا منتظرين مننا معلومات تفيدهم في شراء قطع الهاردوير و عشان كده عملنا بحث عن أكتر الحاجات بيتم البحث عليها من خلال مجتمع الهاردوير سواء كانوا من فئة صناع المحتوي او الجيمرز.
في المحتوي ده هنتكلم عن الشاشات و ايه أنواع الشاشات ؟ و إزاي اختار أنسب شاشة للتجميعة بتاعتي؟ حبينا نقولك متقلقش إحنا معاك في كل حاجة محتاج تفهمها و هنوفرلك كل المعلومات اللي هتخليك من مستمع لخبير !

خلينا نوضح نقطه مهمة و هيا ان عندنا 3 انواع من الشاشات و هما ال IPS, TN , VA يعني ايه الكلام ده و ايه الاختلاف مابينهم و هل في صفات مشتركه مابينهم ؟

اولا اوجه الشبه ما بين الشاشات:

1- جوده الألوان

 اللي بيكون وحدة القياس (Adobe RGB, sRGB) خاصيه ال Adobe RGB بتحتوي علي نطاق اوسع من من الأوان بنسبة 35% من ال sRGB, معناه ايه الكلام د,
تقريبا الألوان اللي موجوده في ال RGB حوالي 16.7 مليون لون لكن انواع الRGB بتختلف في وضوح الألوان يعني مثلا لو هنفترض ان درحة اللون الازرق من 100% فالنسبه الاكبر لتبين درجات اللون الأزرق هتكون لل Adobe RGB و ده اللي بيميل اكتر لفهمه الاشخاص صناع المحتوي او المهندسين لتباين دقة الوان الشاشة.

2- معدل الاستجابه

و ده اللي معروف بأسم ال response time و بيكون وحدة القياس بالملي ثانيه, معدل الاستجايه هو الوقت اللي بتستهلكه الشاشة في انها تنتقل من لون للتاني و بكده كل ما قل معدل الاستجابه كل مهيكون افضل.
معدل الاستجابه نوعين {MPRT,GTG}, لكن GTG بيكون معدل الاستجابه افضل من ال MPRT.

3- الهيرتز

هيرتز في الشاشات بترمز لاعدد تحديث صفحه الشاشه لكل ثانيه, الكلام ده معناه ايه؟! الشاشه هيا عباره عن بكسلات و اللي بتتكون جمب بعضها عشان في الاخر تكونلك الصفحه اللي انت عليها فبالتالي عدد البكسلات كل ما زاد عدد تحديثهم في الثانيه الواحده كل ما سلاسه الشاشه زادت و الكلام ده ممكن تلاحظه مثلا و انت بتلعب, اكيد عدد الهيرتز هيكون فارق اكتر مع مجتمع الجيمرز اكتر من الكونتنت كريتور و ده لان الجميرز عايزين يلعبو بكل سلاسه من غير اي تقطيع.

دروب فريم; الدروب فريم معني ان عدد تحديث الشاشه نزل فجأه فبيحصل تهنيجه في اللعبه و العدو قدامك مبيبقاش واضح او بتلاقي حركته بطيئه فالطلقه مبتصبهوش و دي تقريبا معظم المشاكل اللي بتواجه الجيمرز او الاستريمرز في الألعاب الشوتينج او القنص; سبب الدروب فريم بيكون ان كارت الشاشه او البرويسسور ادائهم نزل مره واحده فبيتكون سقوط في عدد تحديث في الفريمات زي ماوضحنا.

4- bleeding and glow

معناه ان الشاشه بيكون فيها تداخل في بسيط في الألوان “بكسلات” و تقريبا المشكله دي بتكون في شاشات من نوع IPS لاكن في الفتره الاخيره اعلنو ان دي مش مشكله و ان بعض نسخ الشاشات متصنعه بالخاصيه دي, لاكن خليني اوضحلك انه مش هيكون لي تأثير كبير معاك في استخدام الشاشه من حيث الألوان.

5- بكسل لكل بوصه

و اللي معروف باسم PPI تقريبا ده مهم لكل الاستخدامات سواء كنت جمير او كونتنت كريتور, و الشاشه بتبقي عباره عن شوبه بكسلات جمب بعضها بيشتغلوا بشكل و تنسيق معين واللي بتكون نتيجتهم الشكل النهائي للشاشه.

 

#تقريبا كده احنا شرحنا معظم المصطلحات اللي محتاج تفهمها و انت بتشتري شاشه, بتركز علي المميزات اللي محتاجها من الشاشه بناءا علي استخدامك فمثلا لو انت من هواه الألعاب و الاستريم فهتركز اكتر علي معدل الأستجابه للشاشه, لاكن لو انت من صانعي المحتوي مش هيفرق معاك معدل الأستجابه لاكن هتركز علي جوده و وضوح الألوان اكتر.

 

 

أنواع الشاشات

1- IPS

اغلبيه صناع المحتوي بيحتاجو النوع ده من الشاشات بسبب حده و وضوح الألوان, بتحتوي شاشات IPS علي Adobe RGB و زي ما شرحناه  بيحتوي علي عدد كبير من الألوان مقارنه بالsRGB شاشات IPS بتكون من النوع المسطح و ده بسبب تباين و وضوح الألوان في الشاشه متختلفش و انت بتخلص شغلك, و خليني اوضحلك ان معدل الاستجابه بيكون عالي نسبه بانواع الشاشات التانيه و ده مش هيفرق معاك لان تاثيره معدوم علي الشاشه و انت شغال.

2- TN

لو انت من فئه الجيمرز النوع ده هتفضله عن بقيت الانواع التانيه بسبب انخفاض في معدل استجابه الشاشه و تقريبا نوع الTN من الشاشات بيكون من فئه Gray-To-Gray او المعروف باسم GTG افضل نوع معدل استحابه لتفادي اي دروب فريم او لاج و انت بتلعب و الدروب فريم او اللاج بيخليك تشوف العدو بيتحرك ببطئ و بيجوه السلاح عليك لاكن هوا في الاصل فنش عليك ب headshot.

3- VA

شاشات من VA بتجمع ما بين صناع المحتوي و الجيمرز لان دقه الوانها بتعادل او اقل من الشاشات ال IPS و في نفس الوقت معدل الاستجابه منخفض, تقريبا النوع ده من الشاشات بيكون عليها الطلب عالي في السوق و ده بسبب ان الصناع المحتوي من هواه الألعاب هيفضلو ال VA عن ال IPS, هيا شاشات من العيار التقيل و مش هتقول لا في اي حاجه سواء شغل او لعب.

#الخلاصة;

ايه الشاشه المناسبه ليا ؟!

اول سؤال لازم تجاوب عليه انا محتاج الشاشه ليه؟ IPS افضل اختيار لو انت صانع محتوي و شغال علي برامج فوتوشوب هتحتاج دقه الوان عاليه, اما الاختيار هيروح للTN لو انت جيمر بحت بسبب معدل الاستحابه المنخفض في الشاشه, لو انت جامع مابين صانع محتوي و جيمر الاختيار الافضل هيكون لشاشات ال VA لجمعها مابين صفات النوعين.

عشان تعرف اسعار و انواع الشاشات المتاحه في هانكرز ممكن تزور اللينك ده Hankerz monitors